U sdang ka sorkar wow Test ya kiwa wan chapoh ri, kyntu ka IMA wow man kiwa syndong

Ka Indian Medical Association (IMA) hadien wa ku syndet kiwa yoh ya u khñiang khlam COVID-19 ha kiwi ki ri, ynnin ka 22 tarik da phah Wyrta ko yow kyntu ko ya ki paidbah wow bood ya ki kyndon yada na uni u khñiang kjut.

Ka IMA deilang waka sorkar India da ong ki wa katkam ka yutip wa da yoh da em hadooh 5.9 lak ngut kiwa da yoh ya uni u khñiang man-ka-sngi hadooh ka 19 tarik uni u bnai deiwa kheiñlang kam ha USA, Japan, South Korea, France, China wa kiwi kiwi wei du ha India ha ki 24 kynta haka 21 tarik da em 145 ngut kiwa da yoh ya uni u khñiang kjut heiwa 4 ngut toh kiwa da yoh ya u khñiang COVID-19 wa thymme wa tip kam u BF.7.

Ka IMA da kyntu ko ya ki jylla ka ri wow chimkhia ya ini i kaam khnang wow yada nei poor uni u khñiang kjut.

Da kyntu ko leh wa ymtoh u tieñsar deiwa kyntu ya ki paidbah wow bood ya ki kyndon heini hawah:

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

1. Wow sap Mask ha ki thaw paidbah,
2. Wow jngai iwi na iwi,
3. Wow sait-kti da i sabon namo da ki Sanitizer.
4. Wow yait na ki kaam paidbah kam ki bia, ki yalang paidbah wa kiwi kiwi.
5. Wow dam u lai cha baar ri.
6. Wow yachem wa ki Doctor lada em dak kam i iñ-doh, raw chy’oh, i ky’oh wa kiwi kiwi.
7. Wow chim ya i tika yada na uni u khñiang kjut.
8. Wow bod ya ki kyndon wa booh ka sorkar neipor cheipor.

Chooh chooh ka IMA da ong ko deiwa em 3.5 lak ngut ki Doctor ha ka ri da man ki kiwa da pynkhreh wow yakhun pyrchah ya kani ka khlam.

Ka sorkar India da chim ko leh ya ka rai wa 2% kiwa poi ha ki Airport daw jied ya ki wow chah Test ki kiwa wan na baar ri wei hadien wa chim ya ka nongmuna daw chah u mih ki na Airport wei yeini u sdang leh nadooh ka 24 tarik uni u bnai.