Kiwa kamai Local Taxi hapoh ka seiñ West Jaiñtia Hills Taxi Owner’s & Driver’s Association (WJHTODA) da rai ki wow pteiñ yei kamai kari deiwa bood yaka Odd/Even nadooh ka 5 tarik uni u bnai.
Ya ini da leh neidaw wa ood kiwa kamai kari wa duna ware i yoh kamai neidaw wa joor ka sahkut kari heiwa kiwa yah kari da pynsñiaw ki wa dang lah wow bood daka rukum kamai deiwa chah u kamai daka Odd/Even Number.
Hawa yoh u yaklam wa kiwa kamai kari da ong ki wa lut du haka bai phñiang deiwa kamai lang waroh waroh kamwa jooh, iwa da wanrah leh yei sahkut ki kari wei dang boon ka yoh nong deiwa kamai daka Odd/Even.
Kamtæ ka WJHTODA da chim ko yaka rai wa ha ka Monday, Wednesday wa Friday u kamai du ki Local Taxi wa em ya u Odd Number katwa haka Tuesday, Thursday wa Saturday u kamai ki kari wa em ya u Even Number.
