Shillong: Hadien wa da dep pynman ya ki yalehke ha ki jar jiar ki Conference namo ki Group Stage yong ka Meghalaya Baby League (MBL), mynstep daw sdang noh da ki Inter-conference.
Daw pynman 25 tylli ki yalehke ha ki le tylli ki madan wa em ha Polo hapyrdi ki 10 tylli ki team.
Ki 12 tylli ki team wa wan chimbynta ha ka MBL 2018 da yabhah ya ki ha ki ar tylli ki Conference. Ka Kickstart FCC Rhinos, Langsning Greenergy Lions, Mawlatbah SC Hawks, ENE Falcons, Unified Gorkha Gators waka Little Star Clouded Leopards da em ki ha ka Western Conference, katwa ka Sunnydale School Doves, Touchline NE Cubs, Nongthymmai GC Scorpions, Nongtrai Cheetahs, Wahlakhiat Bulls waka JNS Jaguars em ki ha ka Eastern Conference.
Mynstep ka Falcons daw yachem ko waka Jaguars ka wow sdang nadooh 9:30 i step. Ki yalehke hapyrdi ka Rhinos pyrchah ya ka Cheetahs kamjoooh ka Clouded Leopards pyrchah ya ka Doves daw sdang nadooh 12:30 pyrdi sngi.
Ki Bulls daw yachem ki waka Greenergy Lions kawa ym pu em rem nadooh wa sdang heipor 12:50 pyrdi sngi iwa man leh i jooh i por wow sdang i yalehke hapyrdi ka Scorpions wa ki Hawks.
Discussion about this post