Jowai: Ynne ka sngi da pynman ya ka yalang wa kyrpang hapyrdi ki waheh chnong ki dorbar chnong waphær waphær ki chnong ka Jowai wa ki bor District ha yung krehkaam u DC ka West Jaiñtia Hills.
Kani ka yalang da phyllu yumut yillu hajrong ki mar baam mar dih neibynta ki paidbah wa em ha sor Jowai namo ka Urban Area.
Ha kani ka yalang katkam ka yutip wa da yoh da chim ya kini ki rai heiwa ki wow wai ya ki dukan hapoh ka chnong ki wow wai 3 sngi chi tayaw (Monday, Wednesday wa Saturday).
Da rai leh wow jied ki dorbar chnong ya ki dukan wa toh u wai hapoh ka chnong wa ye ki paidbah u thied mar, wei kiwa na baar ka chnong ymye ki wow wan thied mar napoh ka chnong.
Ki bor District toh u pyntikna ki wa ki mar u poi ki cha ki dukan wa em ha chnong khlem pep.
Heijooh i por ki bor District toh u pyntikna ki wa ki dukan dailang namo ki Wholesale u yoh ki ya ki mar wa emkaam cha ki dukan dai paidbah (Retailer) wei ki dorbar chnong toh u leh won ki hadien heiyatoh weini katkam wa yoobiang.
Da ong leh wa kani ka rai u krehkaam ko hadien ka 31 tarik donhi katwa dang krehkaam ka Lockdown.
Ya ki yutip wa bniah daw pyntip u Wyrta katkam wa lai i por kamjooh leh ya ki hukum wow pynmih ki bor sorkar.
Kani man ko katkam wa yoh u yaklam wa ki kattu katni wa em bynta ha ka yalang.
Discussion about this post