Jowai : U Deputy Commissioner ka West Jaiñtia da pyntip u wa ka bor District daw sdang noh ko u pynpsiah pyrtuid (enrollment) haka National Population Register (NPR). Ka Registration neibynta waroh ki sahep wa ki wakreh sorkar hapoh ka District u leh hapoh ka 10 tarik uni u bnai ha Office u Deputy Commissioner.
Daw pynman leh yaka batai bniah chaphang yong ka wei ha ki KYR+ (Know Your Residence Plus) katwa ya ki form daw saam cha ki chnong lyngba ki waheh chnong. Daw em leh ki camp ha ki dong waki chnong waphær waphær ya kiwa daw pyntip hadien heiwa daw chim yaki bio-metric data yong waroh kiwa em 5 snem chajrong. Waroh emkaam u em ki ha kini ki camp wei heijooh i por daw chim yaki slip Aadhaar ha kini ki camp.
Ya kitu ki wym em UIDAI, daw chna yaka Aadhaar lyngba ka NPR. Da ong leh wow e yaki Resident Identity (Smart) Card kiwa em ya u number Aadhaar hapoh u NPR.
Hapoh ka aiñ Aadhaar (Targeted Delivery of Financial and other Subsidies, Benefits and Services) Act 2016, da ong “No Core biometric information, collected or created under this Act shall be shared with anyone for any reason whatsoever or used for any purpose other than generation of Aadhaar numbers and authentication” namo iwa mut wa iwon iwon i yutip wa yoh lyngba ka Aadhaar ym ye u e næ saam cheiyi cheiyi leh daka sorkar wei lada chem wa em wa pynemkaam bakla yeini daw chah pynchitom ki katkam ka aiñ.
U Aadhaar Number ym mut u wa pynsakhiat u yei hok næ i man tre ri weiwa ye u pynemkaam ya oo kam u ID proof.
Kiwa kwah i che wa bniah ye ki u wan mih cha ka Office u Deputy Commissioner hapyrdi ki por kreh næ whatsapp ha u 9436394363 namo ha ka Facebook District Administration West Jaintia Hills.
Discussion about this post