Ki bru wa pynemkaam da ka rel ha India yow lai luti da em ki da ki phaw lak ngut ha ka chi sngi wei yow chngaaiñ kiwa lai wa wan, neiliang ka Indian Railways daw pynkylla ko yow sariem kam ha Airport heiwa ya ki muna daw sdang noh wow thaw khia ki ha ki Railway Station waheh wei lada ki bru rah ki palat yeiwa chah, daw hap ki wow su tam kamwa leh ha Airport.
Yeini daw sdang chwa da ka North Central Railway wa kynthup ya ki Station ka Prayagraj Junction, Prayagraj Chheoki, Subedarganj, Kanpur Central, Mirzapur, Tundla, Aligarh Junction, Govindpuri wa Etawah. Daw booh leh da ki Electronic Luggage Machine ki wow thaw khia ya ki muna chwa wow psiah cha ki Platform.
Ka chnat Railways da ong ko leh wa ini u kheiñ ym du yei khia tangwa hadooh katwon heh ki muna wei lada heh ware ka muna, kiwa lai luti daw ngat kuna ki hanla ym em khia ki ya u pood wa da booh.
Ki muna man ki dei mynkna deiwa kheiñ katkam ka Class hapoh i khia wa da booh:
First AC: Hadooh 70 kg
Second AC: Hadooh 50 kg
Third AC: Hadooh 40 kg
Sleeper Class: Hadooh 40 kg
General/Second Sitting: Hadooh 35 kg
U chah leh u rah palat ya 10kg yeiwa da booh khlem da Book chwa wei lada palat won yeini daw hap wow Book ya ki tiar ha ka Station Counter wei lada ym leh yeini daw toh kuna iwa 1.5 chah yei dor wa da booh.
Ki bru ka Indian Railway da ong ki da hap wow leh yeini yow suk kiwa lai wa wan neibhah em ki bru rah tiar ki chiboon bha hadooh wa da chitom u lai u wan wei da booh hei maa leh ya ki bru khamtam ha ki samoi lehkmen wa ki sngi chuti.
Discussion about this post