U sdang wai biang yaka Yaw Muchai, Shangpung

Kam chibynta wow pynkrehkaam yaka hukum yong ka sorkar wow wai noh ya ki yaw wa jooh pynman chisien chi tayaw, kamtæ neiliang ka Joint Action Committee yong ki Waheh Khad-Ar- Nor, Elaka Shangpung, ka Marketing Committee chirup waka Dorbar Chnong Shangpung Pohshnong kiwa da man kam “Ka Market COVID-19 Management” ha ka yalang synrop yong ki kawa man ha ka 4^th July 2020, hadien wa da yaklam sani bha ki, da rai noh wow wai biang yei pynman yaka Yaw Muchai nadooh kani ka tayaw ka wow wan ka 8^th July 2020 deiwa kyrpaad ya kiwa chongdai kamjooh wa ya kiwa wan thied wan pet wow bood ya kini ki kyndon ha wah:

Kiwa wan yaw (kiwa dai kamjooh kiwa thied) toh u deiň ki ya ki Mask man ka por wa kynthup heipor wa yaklam dai yaklam thied.
Toh u yajngai iwi nei wi kamwa chi meter.
Kiwa wan thied toh u sait kti bha ki hachwa wow psiah chapoh yaw hei thaw sait kti wa da pynkhreh da ka Committee.
Ym chah wow psiah khynnia du ha iwi i dukan.
Kiwa wan thied wan pet toh u rah ki yong ki hi ka muna.
Kiwa dai toh u pynemkaam ki ya ki dawai sait kti (Hand Sanitizer) man la i por.
Ym pu chah ya kinu kinu ki dkhar wow wan ki cha kani ka yaw.
Ym chah wow mynthu kulmar hapoh ka yaw.
Kiwa chongdai madan toh u chong ki deiwa yajngai iwi na iwi.
I por wow man yaw toh nadooh 9 waje i step hadooh 4 waje i janmiet.
Kiwa chongdai toh u lehkhooid ki yaka yaw deiwa noh ya ki jhep hei thaw wa da pynkhreh, ym chah wow noh taroi kat chawa chem.
Ya kiwa leh pyrchah ya kini ki kyndon ka Committee daw pynngat ko ya ki da ka kuna.

Kamtæ da kyrpaad joor ya ki para chong chnong, ki para chnong wa marjan kamjooh wa ya kiwa wan chong dai wa ya kiwa wan thied wan pet ha yaw Muchai wow sňiawbha phi u ya ksohktilang wa i ha kam kini ki por neibynta i bha i miat, i chait i khiah yong kiwa chong chnong hapoh ka Elaka, ka jylla wa ka ri hi waroh kawi.

Ini i pyntip u krehkaam ko kat wym pu pyntip ka sorkar dewi tawan.

Kyrpaad leh ya waroh ki Waheh Chnong kiwa em hapoh ka Elaka yong i wow pynbna ki ya kani ka Wyrta cha kiwa chong chnong khnang yow yoh kiwa chong chnong u tip.