U Smart Meter em u boon ki dor deiwa kheiñlang wa kiwi de ki tiar waka GST: Prestone

U Symbood Montri Rangbah uwa pait leh ya ka chnat Bordiñ, u Prestone Tynsong da ong u wa ka HYC ye u man wa kulmar ko hawa yoo yei jubab lyngba ka RTI yei dor yong u Smart Meter, heiwa da ong u leh wa i batai yong oo hapoh ka yung dorbar chna aiñ toh du i dor yong u Smart Meter donhi khlem da kheiñ ya kiwi ki tiar wa ya kawa hap su GST.

Ka Hynniewtrep Youth Council dang ini wadep da pynsñiaw ko yei chem lyngba ka RTI wa i dor yong uwi u Smart Meter ym yahaap wa iyi wa da jubab da u Montri hapoh ka yung dorbar chna aiñ ka jylla.

Hawa pynche hajrong i chem yong ka HYC, u Prestone da ong u wa ka HYC da yoh yukheiñ kawa tohlang neibynta ki tiar kiwa emkaam hawa pyndait ya u Smart Meter, deiwa pynrap wa u Smart Meter em u soo tylli i dor wei i pynemkaam ya u Smart Meter toh da ka Phase wei daw man katkam i emkaam ya ka Bordiñ.

Da khana u wa ha u Single Phase Smart Meter wa u Three Phase Smart Meter, u DT Meter, LT Meter wa u HD Meter i dor u man ko jar jiar hi. Da ong chooh chooh wa i jubab yong oo hapoh ka yung dorbar toh neibynta i dor yong uwi u Single Phase Smart Meter toh T. 3750 lait noh kiwi ki tiar wa emkaam lang wow pyndait kam ka bai synduk Meter wa ka GST.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u wa da dep wow jubab wa daw chongdor T. 5889 uwi u Smart Meter deilang waka synduk Meter, u Wire wa i pyndait ya kini ki tiar wa kiwi kiwi ki tiar wa kynthup ya ka GST, katwa ya u Three Phase Smart Meter i dor u man ko T. 11,238 wa kynthup ya waroh i emkaam yong ki tiar wow pyndait.