U Sniawbhalang toh u Spokesperson ka RSS | Ki File yong ki kaam yong oo em ki ha ka miej ki CBI: Vincent Pala

U President ka Meghalaya Pradesh Congress Committee (MPCC), u Vincent H Pala da kynthah u deiwa em ya u Sniawbhalang Dhar deiwa ong wa u National General Secretary ka NPP uwa man leh kam u Symbood Montri Rangbah ka Meghalaya toh u Spokesperson ka RSS wa BJP.

Ini i kynthah u President ka Congress ym kut ko du kattæ, tangwa da pynbaad u leh wa u Sniawbhalang emkti u ha ki kaam pyrchah aiñ kam i drugs wa u mooyong.

Da ong u leh wa ka BJP waka RSS lada em ki heiwon heiwon leh, ka sur yong toh kawa ong bait ‘Congress Mukt Bharat’ iwa mut ka ri India kawa lait na ka seiñ Congress, wei u Sniawbhalang Dhar hap u wow klam kamwa phah ka BJP, lym kamtæ ki kaam pyrchah aiñ nadooh u mooyong wa i drugs wa da leh da u Sniawbhalang Dhar wa ka Company u daw mih ki.

U Vincent Pala da khana u wa heipor wa man u kam u MP, ki CBI da joo lai kylli ki na oo, deiwa ong leh wa ki File yong ki kaam u Sniawbhalang Dhar em ki ha ka miej ki CBI, wei i por daw khana i uyi oo u Sniawbhalang.