Kiwa kreh ka EMRI 108 kam chibynta wow booddien yei dawa na ka sorkar, da lai ki wow yachem waka Montri wa pait yaka chnat i chait i khiah, ka Dr. Mazel Ampareen Lyngdoh, wei ha kani ka yachem da e kti leh yaka dorkhat wa toh u pynkrehkaam hadien wa yachem wa u Mission Director ka NHM.
Hawa klam wa kiwa thoh khubor, ka Dr. Ampareen da ong ko wa ka sorkar da mynjur ko ya ki kattu katni ki dawa yong kiwa kreh ka EMRI 108 wa kynthup yei pynku noh yaka tulop da 6%, tangwa heijooh i por da pynsñiaw wa kini kiyi kiyi toh u leh da ka Company ka wow chimkti u pynlai, tangwa neidaw wa khlem lai bait ka Contract, ka sorkar daw chimkti ko wow chimkhia ya ini i kaam.
Neiliang u Roypar Raswai uwa man kam uwa yahkhmat kiwa kreh EMRI 108, da ong u wa i yachem waka Montri toh yow booddien yei dawa hadien i yachem wa u Mission Director, neibhah ha katai ka yachem, u Director da mynjur u wow pynku tulop da 6%.
Chooh chooh da khana u wa ka Montri da kular ko wow chimkhia yeini i kaam wei wow sdang su noh yaka tulop thymme hadien yong ka dorbar mang tangka.
Da khana u wa kiwi de ki dawa yong kiwa kreh 108 toh wow e leh ya kiwi wa emkaam ki kam ki chuti wa toh u yoh ki, ki Provident Fund, ki yarap hei kjut i chitom, wei hajrong ini da khana u wa ka Myntri da ong ko wa daw pyndep noh chwa i khut Tender ya ki Company wow chimkti yaka EMRI wei hadien itæ daw pynbait ya waroh kini kiwa emkaam.
Discussion about this post