U su noh ka sorkar ya ka tulop ka JHADC | Ki 7 bnai u su pyndep hapoh u bnai March: CEM

Ynne ka sngi u MDC ka Liang Pyrchah, u Jamshaphrang Pohtam da kylli u ya ki bnai wa dang sah ka tulop kiwa kreh ka JHADC, heiwa u CEM u Thombor Shiwat da khana u wa dang sah sa 7 bnai.

Da pyntip u leh wa ka EC da rai ko wow pdiang wow su ka sorkar ya ka tulop kiwa kreh ka JHADC wei u su pyndep yong ki 7 bnai chwa u kut u March.

Chooh chooh da pyntip u wa hadien ini daw su noh ya ka man-u-bnai khlem pynsah de.

Related posts

La ar bnai ym poi bordiñ ki ar Dong ka Modop Nartiang | Maham ka HNYF

April 8, 2026

50% e Discount ka Vivekananda Coaching Center Shillong cha kiwa dooh wa duk

April 8, 2026

Hajrong ini u Jamshaphrang da ong u man iwa miat wow su ka sorkar ya ka tulop tangwa man i leh iwa sñiawsih wa bah jamin ka sorkar ya ka JHADC deiwa pynrap wa ka Council toh u ye ko u thooh ki laad wow pynmih poisa.

U Thombor da pyntip u leh ya ki kyndon wa yakut wa ka sorkar hawa su ko ya ka tulop heiwa ki kyndon ym em u ksoh ki ya ka Council wei ym em man ki leh pyrchah ya ka Constitution ka ri.