Ka sorkar Meghalaya sa chisien da pynkylla biang ko ya ki kyndon wow psiah chapoh ka jylla nadooh ka 23 tarik uni u bnai deiwa pyndam noh ya waroh kiwi ki hukum warim kiwa da dep pynmih chwa kam chibynta wow khang yei poor u khñiang COVID-19.
Waroh kiwa psiah chapoh ka jylla hap ki wow Register chwa wow psiah deiwa lai ha www.meghalayaonline.gov.in/covid/testing.htm wei wow Download ya u Arogya Setu App wa ka Behavioural Change Management App ka Meghalaya na Google Play Store.
U Test ya waroh kiwa psiah chapoh ka jylla da ka RT-PCR hanla rah ki ya ka COVID-Negative Test Report.
Ya kiwa wan na Maharashtra/Delhi/UP/Bihar/West Bengal/Karnataka wa Kerala hanla da dep ki wow yoh yei dawai tika yada na u COVID-19, u Test hi ya ki da ka RT-PCR ha ki Entry Point heiwa daw hap u su wei hap ki wow lai cha yung wa sah yow leh Quarantine lane cha i thaw sah hadooh wa yoh ya ka Result.
Lait noh kiwa wan na Maharashtra/Delhi/UP/Bihar/West Bengal/Karnataka wa Kerala kiwa em ya ka Certificate wa pynyoo toh wa da dep yoh ki ya i dawai COVID-19, ym emkaam de wow Test ya ki.
Ki bru wa psiah chapoh ka jylla du chi sngi leh daw hap Test ya ki wei hap ki wow lai du chei thaw kreh ki wei u mih haka jooh ka sngi.
Kiwa wan na baar ri leh daw hap ki wow Test da ka RT-PCR ha ka Entry Point wa hap ki wow su wei daw hap ki wow leh ya ka Quarantine ha yung lane ha ki thaw wa hap dei su 7 sngi nadooh wa poi ki hanla ka Test Result pynyoo ko wa ym em yoh ki ya u khñiang.
Kitu won kiwa em ya i da ki chin wa chitom hanla da em ki ya ka Certificate wa da dep yoh yei dawai yada na u COVID-19 daw hap u Test ya ki da ka RT-PCR wei lada chem wa yoh ki ya u COVID-19 daw hap ki wow chong kset ha yung lane ha ki thaw wa booh da ka sorkar.
