Hadien wa jia i pyrchah ki paidbah wow thang ha khnap thangbru wa em ha Jhalupara ya i metyap uwa yoh nyngkong ya u COVID-19 hapoh ka jylla Meghalaya, kamtæ u Minister ka Urban Affairs, ka Meghalaya da khut yalang u wa ki dkhot ka Greater Shillong Crematorium & Mortuary Society yow yaklam ya iwa jia wei da chim ya kini ki rai hawah:
Yaka khnap thang namo ka Crematorium kawa man ka yong ka Meghalaya Urban Development Authority wa em ha Jhalupara, wa pynkrehkaam daka Greater Shillong Crematorium & Mortuary Society (GSC&MS), toh u man ko kawa em hei pynkhreh ha kiwon kiwon ki por wa emkaam yow thang ya kiwa yap na u COVID-19. Yaka Crematorium u pynemkaam leh wow thang yaki tiar ki tar sumaar wa da dep pynemkaam namo ki Bio-Medical Waste.
Ki wakreh ka Crematorium toh u pynsñiawthooh yaki ya ki kyndon (Protocols) kammon wow pyndep yei thang yaki metyap wa yoh Covid-19 kamjooh kiwi kiwa yatoh wa u COVID-19.
Yaki riam wow yada kiwa tip kam ki PPE, u e cha ki wakreh ka Crematorium wei ya kiwa pynkrehkaam won yaka daw e sikai (Practical Training) kammon wow pynemkaam yaki PPE i wow leh da ki wakreh ka SMB waka MSPCB.
Yaka Crematorium kamjooh ki thaw wa em cha jan daw sait dawai chwa wa hadien wa thang bru.
Discussion about this post