U thied ka sorkar sa palat 100 tylli ki kari yow kit ya kiwa uiñke suwari

Ka sorkar jylla da pynkhreh ko wow thied sa palat 100 tylli ki kari yow kit ya kiwa uiñke suwari cha kylleiñ ki thaw ka jylla.

Kini ki kari u man ki kiwa biang i khlanbor wei kiwa miat kamjooh kiwa kwah ki bru wow pynemkaam wow chong hanla ka luti man ko kawa jngai wei lada toh ki kynrooh kynram.

Rap nachwa ka sorkar da pynlait ko ki PRIME Tourism Vehicle Scheme hei lut wa 50% wa kyrchaan da ka sorkar yow thied da ki bru samen wei kawa sah daw hap su da ka ram.

Ini man ko leh wow wai laad ya kitu kiwa kwah wow kamai kari wei wow kit ya kiwa uiñke suwari hapoh ka jylla.

Uwa e ktien ka sorkar jylla, u Paul Lyngdoh da khana u wa ha ki bnai wa dadep, ka sorkar da chna ko da ka Committee ka wow piat wei puræ bniah yei kaam wei da yasyllok wa kiwa pynlai ya ki thaw uiñke suwari wa em hapoh ka jylla.

Ha iwi won i liang da pyntip u wa ka sorkar jylla da booh thong ko wow pynthymme yei dur ka thaain Khyndailad, Shillong hadien wa kut uni u slap lyiur.

Related posts

Kitbok ka Wapungskur ya u Dr. Heipor Uni Bang chwa wow lai chim ya ka National Teachers’ Day Award

August 30, 2025

I yatan tylle i knieh burom ki daw wym poi thong i dawa Civil Sub-Division ha Laskeiñ | Khut ka JSM wow yatylli

August 30, 2025

Hadien wa da ye wow kyrriah ya kiwa chongdai madan na katai ka thaw, ka sorkar da pynkhreh ko leh boon ki kaam wow pynmiat wei wow pynbha chooh yei dur i dar yong kani ka yaaw kawa heh tam ha ka jylla.

U Paul da ong u wa ka thong ka sorkar toh yow pynman ya ka Khyndailad kam ka thaw lai ki bru kawa sñiawbang wei sñiawsuk tam da i dur thymme.

Katkam wa ong u Paul, kani ka thaw daw dap ko da ki sur wa thiang, ki dur ki dar kiwa khriñ wa kiwi ki pynyoosuk wa boon jait.