Shillong: Ka Deputy Commissioner (Excise), East Khasi Hills District, Shillong da pynmih hukum ko ynne ka 11 tarik wa da pynmih chooh chooh yei pyrtuid ki dukan dai kiad namo ki Wine Store kiwa ye u wai ha East Khasi Hills District man ka tayaw nadooh Monday hadooh Saturday nadooh 10 waje i step hadooh 8 waje i miet nadooh ka 13 tarik uni u bnai hadooh wa pynmih hukum da kamwi.
I dai kiad ym toh u palat i 3 liter i kiad phareng wa 4 liter i Beer ya uwi u bru wa wan thied.
Ki tre ki Wine Store toh u kitkhlieh ki wow pynkrehkaam yaka Social Distancing deiwa yajngai 6 phut uwi na uwi hapyrdi kiwa wan thied wei wow bood leh ya kiwi ki kyndon wa booh daka Health and Family Welfare Department heiyatoh wa u COVID-19.
Ki tre dukan toh u pyntikna ki leh wa ki bru ym toh u ya psiah khynnia ki hapoh dukan wei ym toh u palat 5 ha iwi i por wei lada jia ini daw ye u chah pynchitom katkam ka aiñ.
Ki tre dukan toh u e mynkna ki leh wow pynemkaam yaki Hand Sanitizer da kiwa wan thied.
Ki dukan kiwa dang chah chooh chooh wow wai man ki kamni ha wah:
