Ka Dorbar Chnong Khanduli da rai ko pynman biang ya ka yaw wa chisien chi tayaw ha ka chnong Khanduli kawa em hapoh West Jaiñtia Hills District nadooh ka 6 tarik yong uni u bnai.
Ya ini i rai da chim haka yalang Dorbar wa da man haka sngi nyngkong kani ka tayaw heiwa da ya chimbynta da waroh kiwa chong chnong.
Hawa klam wai phang ha ka Dorbar, u Waheh Chnong ka Khanduli u Yoshida Nongspung da pyntip u wa ka Dorbar da yoh ko yei mynjur na ki bor pynlai District wow wai noh ya ka yaw.
Kani ka yaw toh kawa da khang khyrdep nadooh u Wisu (March) hadien wa da pynkrehkaam yaka Lockdown hapoh ka ri pyrchah ya ka khlam COVID-19 wei u wai biang noh yaka kamwa jooh man haka sngi Thymnbleiñ.
Ka Dorbar da iwi i sur da rai ko wow pynman noh ya ka yaw chisien chi tayaw khnang wow suk ki paidbah kani ka thaaiñ.
Da kyrpaad leh ya ki paidbah wow deiñ ya ki Mask hawa wan cha ka yaw wei wow bood yaka Social Distancing.
