Jowai: Kam chibynta wow e laad ya kiwa chong chnong wow thied ki yaki maar wa emkaam ki (Essential Commodities) ha kini ki por wa pynkrehkaam yaka Curfew hapoh West Jaiñtia Hills District, u Deputy Commissioner da pyntip u wa:
- Waroh ki dukan Fair Price Shop hapoh NFSA wa Non-NFSA u wai ki haka 28th March, 2020 nadooh 9:00 AM hadooh 5:00 PM.
- Ki dukan dai khoo wa kiwi ki dukan wa dai yaki mar wa emkaam (Essential Items) u chah u wai ki haka 28th March, 2020 nadooh 9:00 AM hadooh 5:00 PM.
- Ha ki chong wa em cha palat sor ka District, da chah ya ini i jooh deiwa ya pynbait hapyrdi ki Block Development Officer/ Zonal Team Leader deilang wa ki waheh chnong.
- Ki waheh chnong ki jar jiar ki chnong daw pynbait ki yei rukom wai ki dukan wei wow pyntikna u bood yaki kyndon wa booh daka Health & Family Welfare Department khamtam wow yajngai uwi na uwi kawa tip leh kam ka Social Distancing yow yada na u COVID-19.
- U DC da kyntu u leh yaki paidbah wow leh ya kani ka Social Distancing deiwa ya jngai ym duna 1 meter uwi na uwi, ym toh u psiah khynnia ha iwi i dukan namo i thaw deiwa kyrpaad leh yaki paidbah wow bood yeiwa pynbna wei pynbait ki waheh chnong wa ki bor District.
- Kiwa dai jhoor kamjooh kiwa dai doh leh u chah u dai ki ha lawmusiang wa lawthymme, Jowai nadooh 9:00AM hadooh 5:00 PM ka 28th March, 2020.
U DC da pyntip u leh wa daw pynbiang ya ini i jooh ha ki tayaw wow wan wei daw e por chwa yow ya ki bru u pynkhreh.
Chooh chooh da pyntip u wa biang hi ki Stock wa em kattæ wei da kyrpaad yaki bru wym toh u thied ki palat yeiwa emkaam neibhah ini daw ktah ko ya kiwa boon.
Waroh ki thaaiñ Ïawmusiang u man ko ka No Entry haka 28 Tarik yaki kari.
Ki kari wa kit marbaam wow sñiawbha ki u paan bor (Permission) na u DSP Traffic mynstep i step.
Kiwa dai jhoor kiwa wan cha Jowai u chah hi wow wan ki.
Discussion about this post