U Wailad nachwa uwa jooh rah File ya nga, katni won u MLA, ham dooh mynsien: Sniawbhalang

Ka Kiang Nangbah Government College Students’ Union (KNGCSU) ynnin ka sngi da pynman ko ya ka Graduation Day neibynta ka Class of 2024 heiwa da wan wow embynta kam u kongsan da u Symbood Montri Rangbah ka jylla, u Sniawbhalang Dhar wa u MLA ka Jowai, u Wailadmiki Shylla kam u symbood kongsan deiwa emlang ka Principal ka Dr. EM Blah deilang kiwa lai puræ kamjooh kiwa sikai.

U Sniawbhalang hawa e mynsien ya kiwa lai puræ da ong u wa ki toh kiwa heh kyrdan bar ya oo tangwa oo ye hi u wow poi cha ka kyrdan wa em u katni.

Da ong u wym toh u sñiaw kom wow ong wym em kreh wei wow ya kdong bait du yei kreh sorkar neibhah manda ong i kreh, ym mut du i kreh sorkar tangwa toh ka luti wa biang kammon u leh neibhah ki kreh sorkar em ki du kamwa 70,000 tylli wei kiwa pyndep yeiwa puræ man-u-snem da em ki kamwa 60,000 hadooh 70,000 ngut.

Da ong u leh wa ka sorkar da yaleh ko wow sdang ya kiwa boon jait kam ka PRIME Meghalaya, CM Elevate yow pynchlur ya kitu kiwa kwah wow sdang kreh kiwa da stat da tip kiwa da pyndep ya ka puræ puthi.

Related posts

Pynthymme ka Elaka Lakadong SA ya kiwa kitkaam

May 14, 2025

Kwah u Kyrmen da ka rynsan yow pynsñiaw ki paidbah lada kwah næ ym kwah luti rel

May 14, 2025

Kamtæ da ong u wym toh u dooh kyrmen tangwa wow toor bait chakhmat ha ka luti wa biang neibhah ymtoh wow pynkom wym yoh kreh neibhah oo ymtoh uwa biang ka kyrdan tangwa iyi eh ya kiwa da biang ka puræ puthi wow man ki kam kiwa yahkhmat.

Da e nongmuna u ya u Mukesh Ambani uwa yoh pa da uwa kreh ha Petrol Pump tangwa katni won da man u uwi na ki heh spah hapoh pyrthai wei ym eh ya phi leh u man kam kitæ ki King Maker.

Da e nongmuna u leh ya u Wailad deiwa ong wa ha u snem 2001-02 da man u kam uwa rah File ya oo kam u boo uwa ha-yung uwa yarap ya oo hei khih Business, katni won da man u kam u MLA.

U Wailadmiki hawa e yei klam da e khublei u ya kiwa da pyndep yei puræ wei da ong u leh wa kattu da tieñ u wa daw wan ki bei ki pa kiwa daw paan yarap na oo wow pynyoh kreh sorkar.

Da ong u leh wym em mut wa manda dep puræ puthi daw suk tangwa da man ko ka luti wa sdang wei ka kitkhlieh leh dang heh ko deiwa e nongmuna u yeiwa lai yalap Election u heiwa chi snem ym yoh u thiah u dem deiwa biang kamjooh i baam wei da mut u jan manda jop Election daw suk tangwa da jia deiwa khangtleiñ neibhah i kitkhlieh kam uwa yahkhmat da khia ko.

U Wailad ha kani ka sngi da lai wai u leh ya ka Security Guard Room wa em ha College kawa da yarap u wow pynyoh poisa yow chna ka.