Ka sorkar pyrdi da pyrkhat ko wow wanrah da u khoo wa tip kam u ‘Bharat Rice’ hei dor wa dai duna Rs. 25 chi kilo chibynta wow yaleh pyrchah yei ku dor ki marbaam wa emkaam, wei ini ye ki wow leh chwa wow man ka Election MP ha uni u snem wow wan.
Ini toh hadien wa da dep ka sorkar wow dai toh dor ya u ‘Bharat Atta’ wa u ‘Bharat Dal’.
Uni u khoo Bharat Rice uwa daw dai hei dor wa rap duna daw ye wow yoh oo na ki chnat sorkar kam ka National Agricultural Cooperative Marketing of India (NAFED), ka National Cooperative Consumers’ Federation of India Ltd (NCCF), ki Kendriya Bhandar Outlet wa na ki Mobile Van.
I ku dor ki marbaam hapoh ka ri India kattæ ymtoh de iwa ke wei deiwa kheiñ yonglang waroh, u khoo da man u kamwa Rs. 43.3 chi kilo iwa man i ku dorr wa 14.1% hawa nujor wa u snem wa da dep katwa u dai won da ku da 10.3% du ha u Khonchonglad (Nov) heiwa ha u Naichiphaw da ku dor u da 6.61%.
U Bharat Atta toh uwa dai Rs. 27.50 chi kilo katwa u Bharat Dal won Rs. 60 chi kilo kattæ da ka sorkar ha ki 2000 tylli ki dukan wei da yooluti wa i dai ya uni u Bharat Rice leh u bood ha kani ka jooh ka rukom.
Ka sorkar ini wa da dep leh da pynkhor ko deiwa booh kyndon yow khang yei chalan cha baar ri ya u khoo u wym toh u jait Basmati katwa ya u Basmati won da booh kyndon katwon wa chah u chalan.
Ka Food Corporation of India (FCI) leh da e ko yow khoo hapoh ka Open Market Sales Scheme (OMSS) yow lait u duna khoo ha ki yaaw ki haat.
Discussion about this post