Mawryngkneng: Ka yalehke wa ar wa kawa le yong ka Mawryngkneng Invitation Football Tournament (MIFT) 2018 u pynman ha kani ka 25 tarik heiwa ka Mawkasiang SC daw yachem ko waka Spartan XI heipor por 1:00 i sngi wei daw pynbood won saka yalehke hapyrdi ka Laitkor SC pyrchah ya ka Pohkseh SC heipor 3 waje nohcharin ka sngi.
Ka Laitkor SC toh kawa da ku kyrdan cha ka 2nd Division katwa ka Pohkseh SC won toh kawa em ha ka kyrdan 3rd Division yong ka Shillong Sports Association.
Ha chwa kini ki ar tylli ki yalehke, ka Pdengshnong SC daw yachem ko ya ka Mawthulai SC heipor 11 waje i step kam chibynta ka Mawryngkneng Knock-Out Football Tournament 2018.
Kamtæ da khut lang ya ki paidbah wow wan sakhi ya kini ki yalehke wei da yooluti wa waroh kini ki yalehke u man ki kiwa yoosuk.
Discussion about this post