U N Biren Singh ynne ka sngi da jied biang ya oo kam uwa yahkhmat ka BJP Legislative Party ha Manipur wei deiwa emlang ki Montri ka sorkar pyrdi wa kynthup ya ka Nirmala Sitharaman, u Kiren Rijiju wa kiwi de ki heh ka Party da yachem ki wa u Lat ka jylla u La Ganesan yow chna ya ka sorkar wa thymme ka Manipur.
Hadien wa da jied biang ya u Biren yow man kam u Montri Rangbah ka jylla ha ka kynti wa ar, da yoh u chiboon ki e khublei na kiwa yahkhmat ka Party yow nang pynku chooh chooh ya ka jylla.
Kam wow pynkynmoo wa ka BJP ha Manipur da jop ko ya ka Election MLA wa 12 deiwa jop 32 na ki 60 tylli ki Constituency.
U Biren da jop biang u na Heingang kattu la san sien deiwa pynrem ya u kyrtong ka INC, u P Sharatchandra da 18,271 Vote. Na ki 31,596 tylli ki Vote, u Biren da yoh u 24,814 Vote (78.54%) katwa u Sharatchandra da yoh u 6,543 Vote (20.71%).
U Biren hadien wa jop u ha u 2017 da man u kam u Montri Rangbah wa nyngkong ka BJP ha Manipur.
