Neidaw wa chah thok chah chukor dei langær ha ki karkhana pynmih khyndaw-bilat wa em ha East Jaiñtia Hills District, ki tre Truck hapoh ka lama Jaiñtia Hills Truck Owner Association (JHTOA) da pynbna ko wow pynman i yakhih wow khang ya ki Truck ki karkhana wow kit kyndaw-bilat wa Clinker.
Hawa yaklam wa kiwa pathai khubor, u President ka JHTOA, u Biangshwa Shylla da ong u wa ini i yakhih u sdang i nadooh ka 5 tarik u Naichiphaw nadooh 10:00 waje i step.
Ya i rai yakhih da chim ha ka yalang General Meeting kawa man ha Tuber Takhniang ha ka 19 tarik uni u bnai heiwa da chim ya ini i rai yakhih.
Da pynkynmoo leh wa ka JHTOA ha ki 2 snem wa dadep, da pynman ko ya kiwa boon ki yakhih pyrchah ya ki karkhana wei neiliang ka sorkar MDA leh da pynmih ko ya ka rai namo ka Notification yong ka bai kit u man ko Rs. 7 chi kilometre.
Da ong u leh wa ha ka yalang wa u DC ka East Jaiñtia Hills leh da mynjur u wow e u kit u bah ki Truck hapoh ka lama ka JHTOA kamwa 60 tylli chi sngi, tangwa da yoh ki du kamwa 15 tylli ki Truck ha ka chi sngi
Kamtæ ka JHTOA da rai ko wow lai chaphrang wa i yakhih paidbah khnang wow khang ya ki Truck wa kit khyndaw-bilat kini ki karkhana.
Discussion about this post