Ka Dorbar Chnong Mynkrem Shangpung kam chibynta wow pynneh pynsah ya i chongsuk chongsaaiñ wa i khooid i jngiar hapoh ka chnong ka thaw ha i por Election, da rai ko wow booh wei wow pynbna paidbah ya ki kyndon neibynta ka Election MLA 2023.
Ki kyndon man ki kamni ha wah:
Ka Dorbar Chnong pdiang sñiawbha ko ya waroh ki kyrtong wa wan yalap Election du chisien uwi u Candidate la ha rynsan lane hapoh chnong. I por u pdiang ha ka sngi wan yalap Election toh katkam i por wa da booh da ka Election Commission.
Ka Dorbar Chnong da khang pyrchah ko ya ki kyrtong wow psiah pohyung ha kiwi kiwi won ki sngi, u chah du ha ka sngi wa pynman yalang ki.
Ym chah ya kiwa wan yalap Election kiwa na baar yong ka chnong wow wan yalap Election hapoh ka chnong
Ka Dorbar Chnong u chah ko du ya kiwa napoh ka chnong wow yalap Election hapoh ka chnong.
Ka Dorbar Chnong da khang pyrchah ya kiwa napoh ka chnong wow lai yalap Election palat ya 9:00 waje i miet.
Lada chem ya kiwon kiwon kiwa tyngkheiñ ya kitai ki kyndon haneiñ, ka Dorbar Chnong u chim ko yei rai wow pynchitom katkam ka aiñ chnong wei u e cha ka bor yong ka aiñ.
Lada emkaam wow tip bniah lane i pynche ye wow Phone ha u L. Phyllei, General Secretary, Mynkrem Shangpung (9615994140) wa ha u R. Langstang, Waheh Chnong Mynkrem Shangpung (9863102913).
