U Manbha Lyngdoh uwa man u kyrtong MDC na Muthlong Sohkymphor uwa yakhun na ka BJP, ynne da ong u wa i daw wa pynman ya oo wow yakhun ya ka Election MDC ha kani ka kynti toh wa yoo u wa da sahdien ware ka Constituency.
Da ong u wa i sahdien ka Constituency man i nadooh ki luti syngkieñ, i puræ puthi, i chait i khiah, i dooh kreh leh dang ku i wei manda man u kam u MDC daw wanrah u ya ki kaam pynroi ha kiwa boon ki liang.
Heiyatoh wa i pynkhreh u neibynta kani ka Election, u Manbha da ong u wa da slem i chakri u ya ki paidbah ym du hapoh ka Constituency tangwa ha kylleiñ ka Ri-loom Jaiñtia.
Da ong u wa ki paidbah katni da man bha ki kiwa da stat bha ymtoh kam heipor nachwa heiwa jooh chah yah bakla ki ha ki kattu katni ki bru.
U Manbha da ong u leh wa ka BJP toh ka Party kawa yarap bha ya kiwa duna hei yoh i laa nadooh ki dawai dachin wa kiwi kiwi.
Heijooh i por da ong u wa ka District Council katni man ko kawa duna bha khamtam wa da yoo heiyatoh wa ka tulop kamtæ emkaam da ka Direct Funding na Delhi cha JHADC neibhah boonsien ka poisa sahkut heh ko ha ka sorkar jylla.
Kamtæ da kyrpaad u ya ki paidbah wow kyrchaan ya oo ha kani ka kynti khnang wow ye u wanrah yei roi i paar hapoh ka Constituency.
Discussion about this post