U yarap poisa ka sorkar ya kiwa thooh bniah wow pynneh ya ka ktien ka thylliej: Conrad Sangma

U Montri Rangbah ka jylla, u Conrad K. Sangma ynne da ong u wa ka sorkar u kyrchaan ko ya ki kaam thooh bniah, wei wow pynku ya ka ktien thylliej wa klam ha jylla deiwa e yarap poisa ya kiwa thooh bniah kam ki Scholar wa kiwa thoh kot.

Yeini da ong u hawa e yei klam ha ka Babu Hajom Kissor Sing Memorial Lecture wa pynman da ka Unitarian Union North Eastern India wow kynmoo warom ya ka sngi wa yap u Babu Hajom Kissor Sing ha U Soso Tham Auditorium, Shillong, heiwa da ong u wa ka sorkar kwah ko wow pynku ya ka ktien Khasi wa Garo.

Chooh chooh da ong u wa ka sorkar jylla da yaklam ko waka sorkar pyrdi wow kynthup ya ka ktien Khasi wa Garo ha ka Eighth Schedule ka riti synchaar ka ri India.

Da ong u leh wa emkaam wow booh hei thoh ya i rukom im ki bru wa i ktien wa klam ki wei ka sorkar jylla da wanrah ko ya ka thong kreh wa kyrpang wow kyrchaan ya kiwa thoh kot wa kiwa thooh bniah ya i ktien thylliej.

Related posts

Lada ym biang u Captain wa yah jhaad daw pynngam u ka, ong u Charles Pyngrope ya ka Congress

August 16, 2025

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Da ong u wa daw wanrah ya ka Policy waka song poisa wa biang wow yarap ya kiwa thooh bniah wa kiwa thoh kot heiyatoh waka jaitbru wa i rukom im yong ki.

Da ong u leh wa daw booh bhah ya kiwa pynmih phlim kiwa pynneh wei pynku ya i rukom im wa i ktien thylliej.

Heijooh i por da ong u wa ka Meghalaya Legislative Assembly da sdang ko ya ka e sikai hajrong i klam i kappe heiwa ki MLA na Ri-loom Garo u sñiawthooh ki ya i ktien Khasi wa kiwa na Khasi-Jaiñtia won ya ka ktien Garo khnang wow sñiawthooh ki MLA ya i ktien markylliang.

Ha ki thaw puræ puthi da pyntip u wa ki ktien thylliej ka jylla u man ki kam ki Mandatory Subject katwa dang yang i wow yoh yei tipmit hapoh ka Eight Schedule wei yow poi cha kani ka thong.