U Dolloi ka Elaka Darrang u Pyrwa Lymba da ong u wa neiliang ki paaid ka Elaka Darrang yieñ skem ki ha ka yurim wow pyrchah bait lada ka sorkar rai ko wow lai chakhmat wow Dam ya ka Wah Umngot.
U Dolloi ka Elaka da ong u wa ha ka sngi pynsñiaw paidbah che ko wa kiwa kyrchaan ya ka Dam ym nood ki wow mih chakhmat lait noh du kattu katni ngut kiwa mih wow kyrchaan wow Dam ya ka Wah Umngot.
Da ong u wa i pynmih khubor wa ka sorkar daw Dam bait ko ya ka Wah Umngot che i wa kani ka sorkar toh ka sorkar ka wym ap ya i sur wa i eh ki paidbah neibhah wa ha waroh artylli ki Public Hearing ha Siangkhnai wa ha Moosakhia da pynyoo wa boon kiwa pyrchah ya ini i thmu ka sorkar.
Ka yurim wa ka Elaka Darrang yieñ pyrchah ko ya ka Dam wow pynmih bordiñ ha Wah Umngot toh wa lada jia wow Dam daw ktah ko ya i yoh i la yong ki phaw hajar ngut ki paidbah kiwa chong chnong wei daw pyndooh noh ya i naam ka Wah Umngot kam kawi na ki wah wa khooid dooh ha pyrthai kawa riñ ya ki lak ngut ki bru ha ka chi snem wei heijooh i por daw ktah ko leh ya i rep i riang ki paidbah harood ka wah.
