Ka sorkar Meghalaya lyngba ka Health & Family Welfare Department da pyntip ko wa neidaw wa booh kyndon wa emkaam e tika yow ye u yoh Birth Certificate, da wanrah ko yei pynslem wow Register ya kiwa dang kha iwa da pynman leh ya ki bei ki pa wym ye ki wow yoh Aadhaar ya i khon yow yoh myntoi i kam na ki Scheme bhalang wa kynthup ya ka Integrated Child Development Services (ICDS).
U Aadhaar toh uwa emkaam u em neibynta wow yoh myntoi na ka ICDS kawa yarap wow pynyoh yei baam, i sumaar sukhær, i chait i khiah katkam i hok ki khynnah wei ka sorkar kwah ko leh wow pyntikna wa waroh ki khynnah yoh ki ya u Aadhaar yow ye u pynkrehkaam ya kiwa boon ki Scheme wa e yarap khlem da em i thut ha iwon iwon.
Tangwa neidaw wa da booh kyndon ka sorkar wa emkaam u emlang ka Immunization Certificate yow ye u e Birth Certificate, da pynthut ko yeini khamtam yei Register ya ki khonboo wa dang kha, kamtæ ka sorkar da pynmih hukum ko wow pyndam chwa yeini wa emkaam u lai e tika chwa ya ki khon yow ye u yoh Birth Certificate wei yeini u pynsangeh chwa ar bnai donhi yow pynsuk u yaleh Aadhaar wei yow yoh myntoi leh hapoh ka ICDS ya kiwa dang kha.
Da ini mut i wa hap e Birth Certificate hanlada ym pu em yoh tika i khonboo wei ya kitu ki wym pu em yoh tika toh u booh ha kawi ka thup yow tip won u lai e tika ki hadien.
Ini ym mut wa daw dam u lai e tika wei u pteiñ hi i kamwa jooh leh yow pyntikna wa yei tika da e heipor wa biang.
Hadien ar bnai ka sorkar daw chong pyrkhat biang ko yeini yow tip kammon u leh lada dang emkaam u pteiñ yeini.
Discussion about this post