Uwa rwai wa pawnaam ka Assam, u Zubeen Garg toh uwa da muaid wei ym em sap Life Jacket u heipor wa ngam um u hajan ka Lazarus Island ha Singapore ha u September 2025, da khana u heh ka Singapore Police hapoh ka yung bichaar (Coroner’s Court).
U Assistant Superintendent of Police, u David Lim na ka Police Coast Guard ka Singapore, da ong u wa u Zubeen da dih kiad u chwa wow ngam ha um wei da kyntait u wow sap ya ka Life Jacket hanla kyrpaad kiwa emlang wa oo.
Katkam ka takit, u Zubeen da em u ha Singapore kam chibynta ka North East India Festival wei da lai u da ka lieñ (Yacht) deilang wa 20 ngut ki lok wei da dih kiad ki deiwa rahlang wa ki baam.
Manda poi ha i thaw wa sangeh ki hapyrdi duriaw, u Zubeen da sap u ya ka Life Jacket wa heh (Over Sized) yow hiar yimpa tangwa hadien won da looid u ka wei ym bien u wow sap da ka Life Jacket wa khian hanla da phah da u Captain kani ka lieñ wei da lai yimpa u rap jngai.
Da khana leh wa ki lok u Zubeen da kyrpaad ki ya oo wow wan cha ka lieñ tangwa da pteiñ u wow yimpa wei heipor wa yoo ya oo, u Zubeen da thiah u dei pylluk ha ka um.
Chooh chooh ki lok u da yah ki oo cha Hospital heiwa da pynbna wa da yap u ha ka 19 tarik u September 2025, wei da pyntikna wa yap u nei ngam um.
Ka Post-Mortem da ong ko wa yap u neidaw wa ngam um wei da chem leh wa dih u ki dawai neibynta ka Hypertension wa Epilepsy wei ym em ki kynja wa man pyrchah aiñ kam ki drugs.
Discussion about this post