Ka TUR da ujor ko da ka FIR hajrong ka Criminal Defamation wei da beiñ joor ya ki bru wa chim kabu kiwa da pynpoor ya ka khubor thok chaphang ki dkhot yong ka TUR kawa da pynmih ha ka Facebook Page kawa pyrtuid ‘Na Tynghung ka Ri lum’ kawa da pynpoor leh ha WhatsApp.
Ha kane ka FB Page da pynbaad wa ki dkhot yong ka TUR da chah pynbaam poisa ki ha ki bru hawa yatoh wa i kaam wow kyrriah ka ka sorkar ya ki Harijan.
Hajrong ini, ka TUR da ujor ko hajrong ki kyndon yong ka Criminal Defamation hajrong ki yurim wa pynbaad chah pynbaam poisa iwa man i thok suda wei da pynbood naam ko ya ka TUR kam ka seiñ wa ki dkhot yong ka.
Ka TUR da ban bait ko wa toh u yatai hajrong ki kaam wei hawa ym yahaap yumut la ha iwon iwon i kaam, ka luti yow poi cha i hok toh wow pynmih ya ki nia wei wow yatai ym toh deiwa thok wa chukor lane deiwa pynbaad hi-eh.
Ka TUR da ong ko wa ym pyrchah ko yei hok wow yaklam wei wow pynsñiaw, tangwa ym toh wow pynbaad hi-eh yei rukom pyrkhat wa ka yurim yong kiwi. Chooh chooh da ong leh u pynbaad khlem ki sakhi satar kiwa biang, neiliang ka TUR ym ye ko wow pdiang wei ym pdiang leh ya ki kaam maham wa kam kini.
