Shillong : Ki ar tylli ki seiñ ka TUR wa ka CSWO da ujor FIR ki pyrchah ya ki tre ka Marvelene Inn, Rilbong, heiwa kiwa ha yung u Home Minister ka jylla u HDR Lyngdoh man ki kam ki tre. Ya kani ka FIR da booh katkam ka aiñ POCSO Sec 21 (1) kawa ong wa ki bru wym pyntip cha ki bor ka aiñ ya ki kaam thombor ki khynnah kynthai wa jia hapoh ki yung wa pyllai da ki man ki kiwa emkti.
Ha kani ka FIR da kyntu ya ki pulit leh wow booh ya ka mukotduma hapoh ka IPC sec 370 katkam wa da kdaw hapoh ka Criminal Law Amendment Act 2013 kawa ong wa lada jia ki kaam pyrchah aiñ ha ki thaw ki bhaw wa man tre ki bru wa ki leh da kit khlieh ki yeiwa jia.
Kini ki ar seiñ da kynnoh ki wa hapoh ka Marvelene Inn ka khynnah khian da chah slaitbor ko ar sien iwa mut wa ki tre ka thaw ym em biang i pyllai ki ya kani ka thaw sah miet ki bru.
Kamtæ ka TUR wa ka CSWO da kyntu ki ya ki paidbah, ki seiñ manbei, ki seiñ khynroo khyllood, ki dorbar chnong wow ya emlang ki ha ka 11 tarik uni u bnai ha ka lai paidbah ka wow sdang nadooh na madan Fire Brigade hadooh ka thaw pynyeiñ kari ka Additional Secretariat kam ka dak pyrchah wa chah lehbeiñ ki kynthai ym du ha kini ki sngi kamjooh kiwa nachwa wei daw dawa leh wa u HDR Lyngdoh wow hiar chuki noh u.
Kini ki ar seiñ leh da dawa ki wa ka takit hei yatoh wa jia ha ka Marvelene Inn toh u man ko kawa khooid ka wym em i pait chilliang wei wow lai ko katkam ka aiñ yow lait u jia ma jia kam kini ki jait kaam ki wym em chah pynchitom ha ka aiñ.
Also Read : Phah leh kaam dakait ka tre yung ya khynnah wa chong kreh
Discussion about this post