Ujor FIR u waheh chnong ka Moolamylliang ya ki ar waheh chnong wa e NOC u booh karkhana Meghalaya Coke

Jowai: U waheh chnong ka Moolamylliang, East Jaiñtia Hills da ujor FIR u pyrchah ya u waheh chnong ka Latyrke wa ya u waheh chnong ka Lelad hajrong i e NOC tooh ki yaka M/s Meghalaya Coke wow booh karkhana hapoh ka thaaiñ ka chnong Moolamylliang khlem i tip yong ka chnong.

U waheh chnong ka Moolamylliang da ong u wa kitai ki waheh chnong ym em hok ki wow e NOC ha kani ka thaw Umpleng (Pther) neibhah wa ka thaw dang hap ko hapoh i pait yong ka chnong.

Ka chnong Moolamylliang da pyntip ko wa daw ujor leh sa cha ka JHADC, Jowai wei wow e mukotduma leh pyrchah ya kitai ki waheh chnong hajrong wym burom de ya u pood u ang ka chnong yong kiwi du wow yoh mynstoi samen.

Ka kyrwoh na u Apmon Pachiang, waheh chnong Moolamylliang, East Jaiñtia Hills District.