Ujor ka AIFF hadien wa rem ka India ha ka Qatar ha ka World Cup Qualifier nei thap thok ya ka bol

Ka All India Football Federation (AIFF) da ujor ko ha u Match Commissioner wow takit hajrong i thap kool deiwa leh thok ka Qatar ha ka yakhun wow psiah yaleh World Cup 2026 namo ka World Cup Qualifier hadooh wa da dooh ka India u psiah cha ka Third Round kani ka Qualifier. 

Ya kani ka kool da thap ha ka minit wa 73 heiwa ka bol da lai ko cha baar u Line wei da man Out ko tangwa uwa yalehke ka Qatar da taan biang u dei kjat yow pynpsiah biang u ka chapoh mandan chwa wow thap u Yousef Aymen chapoh kool.

Hadien kani ka kool ka India da rem ko da 1-2 ha ka yalehke ha Jassim Bin Hamad Stadium ynnin ha Doha. 

Ki heh ka AIFF da ong ki wa da dawa ki wow takit ya i e kool ya ka Qatar da u referee na South Korean u Kim Woo-Sung hanla ka bol da man Out ko wei da toh u man ko kam ka Corner Kick neibhah da lai ko cha lait hadien wa toh ha u Goalkeeper ka India.

Related posts

Ka Ladrymbai United pyrchah ya ka Kur Suchen Bataw ha ka Final ka Prize Money Knockout Football Tournament ka WSCSO

November 13, 2024

1st Division EJHDFA: Psiah Semi ka Diengshynrum wa ka Iatyllilang SC Hingaria

November 13, 2024

Kani ka kool da pynchrai ko ya kiwa yalehke ka India heiwa da ujor ki ha ki Referee tangwa da chah bait ya ka wow man ko kam ka kool.

U Match Commissioner yong kani ka yalehke toh uwa na Iran, u Hamed Momeni wei ka thong yong oo toh wow pyntikna wa ka yalehke bood ko ya ki kyndon ka FIFA.