Ka Angela Rangad da ujor ko cha u Chairperson ka Meghalaya Lokayukta hajrong i rukom chna tangdep ya ka Inter-State Bus Terminal (ISBT) kawa em ha Mawlai Mawiong, East Khasi Hills.
Kani ka ISBT toh kawa da chna hei lut wa kamwa T. 48 klur da ka PWD wei da wai ya kani ka Bus Terminal ha u Naiynñiaw 2021 da u Home Minister ka ri tangwa da ye u sdang pynkrehkaam ka la kamwa 6 tayaw kattu.
I chem yei rukom kreh khalær, kreh tangdep toh ha kini ki sngi wa joor slap heiwa ka um da pai ko chapoh kani ka yung wei da sdang leh u mih i kaad ki chram.
Neiliang ka Angela da ong ko wa ini waroh da pynyoo yei wym biang i rukom kreh ka PWD wei i wym em paitbniah ka chnat Transport chwa wow chimkti ya kani ka yung krehkaam.
Kamtæ da kyntu ya u Chairperson ka Meghalaya Lokayukta wow pynman yei takit hajrong ini katkam ka aiñ Lokayukta Act 2014 yow chem yei rukom kreh wa dei leh pyrchah ya ki kyndon.
