Ujor ka Deiwi Tongper pyrchah ya ka Star Cement ha ka CPCB, SPCB, MP, CEM wa DC

Hadien wa ki paidbah wa chong chnong ka thaaiñ Lumshnong da wan ood ki ha ka MDC ka Narpuh Constituency, ka Deiwi Tongper, kamtæ ka da ujor ko cha ka Central Pollution Control Board (CPCB), New Delhi lyngba u Member Secretary, u Bharat Kumar hajrong i pynmih tdem khiar ka Star Cement Ltd. kawa em ha Lumshnong iwa da ktah joor ya i chait i khiah ki paidbah.

Ka Deiwi da ong ko wa ini ymtoh i sien wa nyngkong wa kani ka karkhana da pynmih tdem khiar ko tangwa neipor cheipor khlem kheiñ de yei kjut i chitom wa ki paidbah hap maad ki.

Hajrong ini, ka Deiwi da booh ko leh ya ka ujor cha ka Meghalaya State Pollution Control Board, cha u Deputy Commissioner ka East Jaiñtia Hills, cha u MP (LS) u Dr. Ricky AJ Syngkon wa kamjooh cha u CEM ka JHADC wa da e NOC ya kani ka karkhana.

Related posts

Dawa ka BJP Meghalaya na u Sunil Deodhar wow paan maap u yeiwa klam beiñ u ya ka niam Christan wa ya u Jisu Khrist

February 24, 2026

Em wa yap na kiwa yoh Meningococcal ha Assam Regiment Centre ka Shillong

February 24, 2026

Ka Deiwi da ong ko wa ka Star Cement tyngkheiñ ko ya ka kyndon Para 3 kawa da thoh ya ki kyndon yong ka NOC.

Kamtæ da yooluti ko wa ki bor wa toh u pait wow chimkhia hajrong ini khnang wa kini ki karkhana pynmih khyndaw-bilat u pynduna ki wow pynmih tdem iwa ktah ya ki paidbah ka thaaiñ Lumshnong kamjooh ki chnong wa marjan.