Ynne ka sngi ka East Jaiñtia National Council (EJNC) Sumer Circle hapoh i yahkhmat u Sakilan Chyrmang, President da lai ujor ko ha u SDO wa u Engineer ka MePDCL Khliehriat heiyatoh wa ka bai bordiñ wa u Smart Meter.
Ka seiñ da ong ko wa kiwa chong chnong phylla ki wow yoo ya ka bai bordiñ (Bill) wan ko heipor wym biang (chisien 3-4 bnai) wei ini da booh i hei eh ya ki paidbah.
Heiyatoh wa ini neiliang ki sahep da kular ki wow chmkhia yeini wei wow pynchitom ya kiwa saam bai bordiñ kiwa lai e khlem biang por.
Heijooh i por neiliang ka seiñ da dawa joor ko wa ya ka bai bordiñ wow wan saam man-u-bnai wei ya u Smart Meter leh toh u pynsñiawthooh cha kiwa chong chnong heiyatoh kammon krehkaam u.
