Ka FKJGP-East Jaiñtia Hills da thoh ko cha u DC ka East Jaiñtia Hills District hajrong i boon ki Truck wa kit palat pood ya u moochuni wa kiwi ki moo kiwa lai luti lyngba u sarokbah NH06 deiwa ong wa ini i rukom leh da wanrah ko yei sih smat u sarok iwa da ktah kylla ya ki bru wa lai wa wan man-ka-sngi.
Ka seiñ da ong ko wa kini ki Truck toh kiwa kit moo na kiwa boon ki thaw yow lai booh cha kiwi ki thaw tangwa u sarok toh uwa da chna du wow kit ya 9 MT donhi i mar kamtæ ini i kit palatpood da ktah ko chiboon ya u sarok wei da chimpor leh wow pynchan ya iwa sih.
Kamtæ da kyntu ya u DC wow pyncitom u ya kini kiwa kit palatpood katkam ka aiñ yow lait chooh chooh i sih sarok.
Neiliang u DC da kular u hakhmat ka seiñ wow chimkhia u phah ya ki Magistrate yow leh ya iwa emkaam heiwa ka seiñ da ong ko wa lada u DC ym leh u iyi iyi leh, neiliang yong ka seiñ daw ksoh hi ko wei daw e kti cha ki bor ka aiñ ya kitai ki Truck wa kit palatpood neibynta i bha i miat ki paidbah wa lai wa wan lyngba u NH06.
