Ka FKJGP-Khliehriat Circle da booh ujor ko ha u Medical Superintendent ka Khliehriat Civil Hospital, East Jaiñtia Hills wa da wan ood ki paidbah cha ki wa ha ka 27-02-25 heipor 7:30 i miet da em kawi ka manbei kawa da wan chah sumaar ha kani ka Hopital wa haap khon ko wei manda dep ki Doctor wow leh yeiwa emkaam, da phah ka cha kamra thiah kiwa kha khon deiwa chong ha ka Wheelchair tangwa da phah ngiat da kiwa ha-yung kani kawa chitom wei ym em kiwa kreh ka Hospital kiwa da su tulop wow leh yeini.
Ka seiñ da ong ko wym jooh sñiaw wa ki Hospital wa phah ngiat Wheelchair ya kiwa haap khon pyn da kiwi ha-yung yong ki hi.
Ka seiñ da kdaw ko leh sa iwi wa hawa kyrriah ya kiwa haap khon na Khliehriat Civil Hospital cha MCH Hospital Jowai, uwa yah kari wa kit ya kiwa kjut da pynhær smat bha u ya ka kari Alto 800 hadooh wa ood kiwa kjut.
Hajrong ini, ka seiñ da ong ko wa kiwa yah kari toh u tip ki kammon ki jait por wa hap wow pynhær kari wei lada kamni daw booh pathan hei maa ya kiwa kjut.
Sa iwi iwa da kdaw wa ha ka paikhana kiwa thiah kjut neibynta kiwa punkhon wa kha khon tang u Bulb Light leh ym em deiwa kylli wa kammon ka Hospital ym em poisa ko tang wow thied ya uni.
Ka seiñ da ong ko wa ini i ujor ymtoh wow kdaw kti ya kiwon kiwon tangwa wow kdaw yei duna neibhah wym kwah wow jia biang kam ini neini chakhmat.
Discussion about this post