Ka Hynniewtrep Integrated Territorial Organization (HITO)-East Jaiñtia Hills District ynne ka sngi hapoh i yahkhmat u President, u Deibor Rymbai wa u General Secretary, u Burom Dkhar da lai ujor ki hajrong i dooh bordiñ ha ka chnong Iongkaluh heiwa da yachem ki ya u Sub-Division Officer ka MePDCL ka Sutnga Division uwa da kubur u yei tlot hapoh ka MePDCL toh neidaw i duna ki Station Lineman.
Da ong u leh wa ini i duna ymtoh du ha East Jaiñtia tangwa ha waroh kawi ka Jaiñtia Hills.
Neiliang ka seiñ da kyntu ko ya ka MePDCL wow chimkhia yeini neibhah waroh ki chnong toh kiwa pynemkaam ya ka bordiñ.
Chooh chooh da ong ki wa i wym ye ka MePDCL wow chakri ya ki paidbah pynyoo i wa ka sorkar ym ye ko wow pynlai ya kani ka chnat wei boonsien da sakhi yei mynsoo wei yap ki bru ha kylleiñ ka jylla wei smat ko du wow ah ya ka bordiñ ha ki yung ki wym ye u su bai bordiñ tista.
Discussion about this post