Ka Hynniewtrep Integrated Territorial Organization – West Jaiñtia Hills District (HITO-WJHD) hapoh i yahkhmat u President u Wanbiang Pulang ynne ka sngi da lai e dorkhat ki ha u District Medical and Health Officer, West Jaiñtia Hills u Dr. KC. Ajar hajrong i wym krehkaam ka Maternal and Child Health (MCH) Hospital, Panaliar, Jowai wot hadein 5 bnai tam wa da wai ya ka.
Kani toh ka Hospital kawa da mang neibynta ki manbei wa ki khynnah na Ri-loom Jaiñtia.
Hei yachem wa u DMHO neiliang yong oo da ong u wa dadep wow sanction ya ki Post nadooh ki Doctor ki Nurse wa kiwi kiwi wei ym slem de daw sdang wow e sumaar ya kiwa emkaam ha kani ka thaw nadooh u Naisan.
Neiliang ka seiñ da phyllu yumut ko leh hajrong i wym biang ki tiar Test nadooh ki X-ray, Ultrasound, MRI, CT Scan ha ki thaw sumaar sorkar wei neipor cheipor ki paidbah hap phah Test ki cha kiwi ki thaw ki bru samen kamtæ hajrong ini neiliang u sahep wa pait ya ka MHIS da pynche u wa ki bru wa lai Test chawi emkaam u pynbiang ki ya ki receipt næ cash memo khnang wow yoh ki ya ka bai lutsan kamjooh ka bai dawai wa thied ki na ki Pharmacy ki bru samen.
Chooh chooh neiliang ka seiñ da kyntu ko ya ki paidbah wa chong chnong ymtoh u sñiawthooh bakla ki hajrong i phah Test chawi kamjooh i bai dawai na baar yong ki thaw sumaar sorkar neibhah ka sorkar daw su ko ya ka poisa lyngba ka MHIS Card lada jia wa ki thaw sumaar sorkar ym em ki ya kini Test wa ki dawai.
Kani toh katkam ka Wyrta na u Publicity Secretary ka seiñ u Yomiki Passah.
Puræ Leh: Wai u Conrad ya ka MCH Jowai tangwa ka thaw sumaar won kawa dang khang
