Ka Hynniewtrep National Youth Front (HNYF) West Jaiñtia Zone ynne ka sngi da lai ujor ko ha ka BDO ka Thadlaskien C&RD Block heiyatoh wa ka Scheme chna yung ka Pradhan Mantri Awas Yojana (PMAY) ya kawa da pynkreh ha ka chnong Moodop wa Kpermynsnieh, West Jaiñtia Hills.
Neiliang ka seiñ lyngba ka jubab RTI da chem ko wa kiwa boon na kiwa yoh myntoi na kani ka Scheme toh du ki manyung kiwa mahajon, kiwa em yung khyndawbilat, kiwa kreh sorkar, ki khynnah khynroo kiwa dang samen wa dang chong ha yung bei kamjooh leh em kiwa yoh 2 ngut na i jooh i yung.
Hadien ini, neiliang ka seiñ da lai yachem chwa ko wa ki waheh chnong yong kini ki chnong neibynta i bha i miat wa i hok kiwa toh hok u yoh myntoi na kani ka Scheme.
Ka seiñ da lai yachem ko leh ya ka BDO wow pyndam ya kini ki pyrtuid wei wow pyntikna wow yoh myntoi ki bru wa em hok u yoh myntoi na kani ka Scheme deiwa salonsar.
