Ka HNYF-Central Body da ujor ko ynne ka sngi ha u CEM ka JHADC pyrchah ya u waheh chong ka Bakur wow pynchitom lane wow pyndooh noh yaka sanad yong oo neidaw wa pynemkaam bakla u yaka sanad yong oo deiwa chim yaka aiñ ha kti yong oo kawa man pyrchah yaki bor wa da pynkhamkti ha oo.
Ka HNYF hadien wa da yoo ko lyngba ki laad pathai khubor waia ya ki Video Clip chaphang i jia hapoh chnong Bakur, wei ka seiñ da hiar ko cha katai ka thaw wow yachem markhmat waka bru kawa chah lehbeiñ, chah dat chah bom wa chah khi le nooid ha kiwa kitkaam yong ka chnong Bakur.
Ha itai i yachem wa katai ka bru da pynsñiaw ko wa da chah pynchitom ha ki kattu katni kiwa kitkaam chnong yong ka chnong Bakur hajrong i phah yong u waheh chnong Bakur uwa tip pyrtuid kam u Daniel Khongsit.
Kamtæ hajrong kani ka yurim, ka seiñ da pynsñiaw ko wa u waheh chnong um ye u wow chim yaka aiñ ha i kti yong oo wei hajrong ini leh kaam, kam ka seiñ ym ye ki wow chong suki hi-eh, u chong kli kti hajrong i jia wa da pynkhyrngiat yaka jaitbru waroh kawi wei da dawa na u CEM wow pynchitom ya utai u waheh chnong.
Neiliang u CEM da kular u wow chimkhia ya kani ka kaam.
