Ka HYC Laskein Block Circle da booh ujor ko ha u Secretary ka Dorbar Iaw Muksoo, Mowkaiaw deiwa yahkhmat u President ka seiñ u Wympher Suchiang wa u Publicity Secretary u Kularskhem Sariang deilang wa ki dkhot ka seiñ.
Ka ujor toh yei wan khayi ki bru samen na baar jylla ha katai ka yaw iwa da ktah ya ka kamai kajih ki tre jylla kiwa dai yaki mar yong ki ha kani ka yaw.
Ka seiñ da e daw ko wa ki tre jylla waroh chi lyiur ki wan ki wow kamai ja kpoh na kani ka yaw katwa ki baar jylla wan ki du ha ki por tlang wa heh ka kamai kajih iwa da ktah ya ki tre jylla kiwa jooh kamai waroh chi snem ha kani ka yaw iwa man kamwa knieh ya ka pliang ja yong ki tre ri tre muluk, da ong ka seiñ.
