Jowai: “I khayi tooh ya ki masi na ri-loom Jaiñtia cha Bangladesh da joor bha ko katni,” da ong u Allmiki Ryngkhlem uwa man kam u Vice President ka JNC.
Da ong u leh wa da ki spah tylli ki masi kiwa wan na baar ha ka chi miet da pynpoi cha Bangladesh da ki bru wym tipmmit kawa ym em leh i pynwit lane i khang laad ya kini kiwa khayi masi tooh na kawon kawon ka liang, iwa da wanrah yei duna masi hapoh ka jylla kamjooh i wow pynku dor ya i doh masi hadien ha bood.
Kamtæ ka Jaiñtia National Council (JNC) da lai ujor ko chadooh u Superintendent of Police ka West Jaiñtia Hills wa u Superintendent ka East Jaiñtia Hills neibynta wow dawa na ki bor yong ka aiñ wow thooh wow kem ia ki bru kiwa emkti, wei lym leh ya ini daw poi i por wa hadooh ki nong Bangladesh leh daw nood ki wow chim kabu wow wan hiar chapoh jylla neidaw wa joor ka laitlooid wow khayi masi tooh, da ong u Seibor Sutnga Asst. General Secretary JNC.
Neiliang yong ki bor wa toh u pait ya ka aiñ da ong ki wa lada jia wa chem ya kam kini ki bru kiwa leh ya kani ka kaam khayi masi tooh, u kem wei wow pynchitom ya ki katkam ki kyndon yong ka aiñ wei daw pynman leh yaka sylli yaka kari (Checking) yow chem ya kiwa khayi tooh ya ki masi.
Discussion about this post