Ka seiñ JSU-Southern Border Zone, East-Jaiñtia hadien wa yoh ko yei ujor na kiwa chong chnong ka thaaiñ wa chem chitom ki neidaw wym jooh em Doctor ha Bataw PHC kamtæ ka seiñ da lai pait lai sylli ko heiwa da chem wa em Doctor du le sien chi tayaw.
Da chem leh wa ki dawai wa emkaam leh ym jooh biang ki ha kani ka PHC wei hajrong ini, neiliang ka seiñ da lai ujor ko ha u DHMO ka East Jaiñtia Hills District heiwa oo da khyrngiat u wa katkam wa tip u toh u em Doctor man-ka-sngi ha Bataw PHC weiwa ki Report kiwa poi cha oo pynyoo ki wa biang bait i dawai.
Kamtæ neiliang u DMHO da kular u wow khut hajir ya ka Doctor ka Bataw deilang ki wakreh hajrong ini i ujor ka seiñ.
Neiliang ka JSU-Southern Border Zone da kyrpaad ko ya u DMHO wow chimkhia u pynbait yeini i eh ki paidbah hapoh chi-tayaw lym kamtæ ka seiñ daw lai luti chooh chooh ko chakhmat neibynta u suk kiwa chong chnong ka thaaiñ.
