Jowai: Ka Jaiñtia Students’ Union Central Body ryngkat wa ka STIEH da lai yachem ki ya u Deputy Commissioner ka West Jaiñtia Hills wow ujor ya i chah beh skur ki le ngut ki khynnah ka skur Sawlyngdoh Higher Secondary School, Mowkaiaw khlem ka yurim wa skem.
Kini ki khynnah da chah pynbaad ki wa da chem na ki ya ki tiar ki wym yahaap wei ki wym chongnia wow rah ki cha skur (kam ki Condom wa Birth Control Pill).
Neiliang ki ar seiñ da ong ki wa ini i pynbaad ka skur man i i wym chongnia neibhah ym em u rah ki ya ki tiar wa man pyrchah ya ka aiñ næ kiwa booh hei maa ya kiwi won namo wa da sakhi wa da pynemkaam bakla ya ki (tiar) ha skur.
Neiliang u President ka JSU, u Lawyerson War wa ka President ka STIEH ka Deiwi Tongper da lai yachem ki ya u DC ynne ka sngi hadien wym ye ki bor pynlai skur wa ka District School Education Officer wow leh yeiwa emkaam hajrong ini.
Chooh chooh ki ar seiñ da ong ki leh wa ini i chah pyndam skur kini ki khynnah daw ktah bha i yei puræ puthi yong ki neibhah daw dooh ki ym du ya ki Class tangwa wot hadooh wa ye leh u chah ktah i thoh Exam yong ki.
Kamtæ da kyrpaad noh ya u DC wow chimkhia wow pynbait ya ini khnang wa kini ki khynnah ym dooh ki yei hok iwa toh u yoh ki.
Discussion about this post