Ka JSU War Jaiñtia Circle ha i yahkhmat u Secretary, u Kerrydiam Lamin haka 12 tarik uni u bnai da lai ujor ko cha ka yungkrehkaam u MeECL ha Jowai ya i wym biang i rukom kheiñ ya i bai bordiñ.
Katkam ka ujor ka JSU-WJC da paan pynche ko yei rukom kheiñ bordiñ ya i bordiñ ha i dor wa katwon chi Unit wei ha kini ki le bnai nadooh u Feb hadooh u April neibhah wym ye u kheiñ kamwa jooh kheiñ itæ man u bnai katkam i dor wa da booh.
Ka seiñ da ujor ko leh wa boon naki chnong haka Amlarem Sub Division wa da maad ki yei kheiñdor wa bakla heiwa da em leh wa ka MeECL da kheiñ ko arsien ya iwa da dep su.
Em leh ki por wa da thoh bakla ya i Meter Reading. Kamtæ ka seiñ da dawa ko wa ka MeECL u leh ko iyi iyi wei wow e biang da kiwi ki bai bordiñ namo ki Electricity Bill ong ka kyrwoh na u President ka JSU-WJC u Eddy Kery Pohtam.
