Ka seiñ Khooid Ya Ka Wah Myntdu da ujor ko cha u DC ka West Jaiñtia Hills yei noh roi yei khyndaw nadooh na yingkieñ Treiongriang hadooh ha laad Demthring iwa da leh katni hawa chna pynheh ya u sarok NH-40(E).
Ka seiñ da ong ko leh wa ha i lai pait da i khmat da chem wa i tih wow pynheh ya uni u sarok da wanrah ko leh chiboon i noh ya i khyndaw harood sarok, kiwa ye u chah rah ha ka um khamtam ha kini ki por wa da toh i por slap wei em leh boon ki wah khian wa em ha kini ki thaw kiwa tooid won cha ka wah Myntdu.
Kamtæ da kyntu ya u DC wow lai pait u ya ini i rukom noh khyndaw wei wow leh yeiwa emkaam neibhah da booh ko hei maa yei kooid ka wah Myntdu kawa man leh ka um wa pynemkaam ha chnong Jowai.
Chooh chooh da ong wa ini i noh khyndaw man i pyrchah ya ka aiñ wei iwa ktah ya ka rymaw.
Ka seiñ da ujor ko leh ha u SP ka West Jaiñtia Hills deiwa ong wa da tyngkheiñ ya ka Section 144 Cr.PC kawa da khang yei ah dieñ, u tih chyiap, u khloh moo ha ka wah Myntdu heiwa ya ini da chem wa ym em krehkaam i nadooh na wah Mynkrem chadooh yingkieñ Treiongriang hadooh wa poi ka Dam Mupiah.
Kamtæ da kypaad ya u SP wow pynchitom u ya kiwa leh pyrchah ya ka hukum.
