Ka seiñ Khasi Jaiñtia National Union (KJNU) da ujor ko ha u DC ka West Jaiñtia Hills pyrchah ya ki thaw ah sniooh kiwa da chim syad dor katni.
Ka seiñ da ong ko wa ya ini da tip ko hadien wa boon ki bru da ood ki wa da chim syad dor ki thaw sñiooh nadooh wow ah, u e rong sñiooh, i khem doh, i khi tmaiñ wa kiwi kiwi kiwa da pynku dor ar chah yei dor chwa wow em ka Lockdown.
Ka seiñ da ong ko wa ka bai ah sñiooh, khi tmaiñ kawa jooh chim T. 50, hadien wa Lockdown da chim T. 100 iwa da booh hei eh ya ki bru paidbah kiwa da chem chitom haka kamai kajih ha kam kini ki por wa dang em ka khlam.
Chooh chooh da ong ka seiñ wa ini i pynku dor toh deiwa khlem yoh bor na ki bor pynlai District kiwa toh u pait ya ini i kaam wei ini leh yong ki thaw ah sñiooh toh iwa man pyrchah yaka aiñ.
Kamtæ da kyntu ya u DC wow chimkhia ya ini i kaam yei bha i miat ki paidbah.
