Ujor ka KSU cha ka KHADC yei man waheh chnong ki baar jylla hapoh ka Hima Sohra

Ka KSU da thoh ko cha u Jambor War uwa man kam u Executive Member wa pait yaki Elaka hapoh ka KHADC yow ujor yei leh embor ki baar ri, ki baar jylla yaka riti synchaar u Ynñiawtrep wa da booh da seiñ da u longchwa manchwa ha Hima Sohra haki thaaiñ Majai wa ki chnong marjan.

Da ong wa katkam wa yoh yutip ka seiñ wa ki dkhar ha katai ka thaaiñ da seiñ ki yaka kynhun kiwa yahkhmat chnong khlem da kheiñ yaki Rangbah Shnong Khasi, ki montri, u syiem ka Hima Sohra, ka KHADC wa yaka jaitbru hi waroh kawi.

Ya kini da yoh yutip leh daka seiñ wa em:

1. U Mulor ka Proper Majai
2. U Headman ka Nayabasti
3. U Headman ka Chaklabasti
4. U Headman ka Dhorombasti
5. U Headman ka Alubari

Heiwa ya ini da yoh sabut lyngba ka chithi wa da phah da kitai kiwa da kdaw haneiñ cha ka yung krehkaam ka KSU wa da soi leh da kini ki bru.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka seiñ da ong ko wa ya kani ka chiti wa da thoh cha ki da kini ki bru toh heiyatoh iwa jia ha Ichamati hadooh wa dooh yei mynsien yong uwi u dkhot ka seiñ.

Kamtæ da dawa wow pynchitom ya kini ki bru kiwa da chim kabu wow kam u man kam ki Headman wei wow pyndooh pyndam ya kani ka kynhun chnong yong kini ki bru.