Ujor ka KSU pyrchah yeiwa thoh yungtrep ya i yung syiem ka Hima Khyrim ha ki kot SSA

Shillong: Ka Khasi Students Union-Eastern Area Unit da yachem ko wa u Director of School Education and Literacy, East Khasi Hills ha kani ka 21 tarik wow ujor pyrchah ya ka kot puræ ki khynnah ka tip kam ka “Tip Ia Ka Pyrthei” kawa da saam mynkna kam ka kot SSA hapoh jylla Meghalaya ya ki khynnah wa puræ Class 3.

Hapoh kani ka kot ya ka yung syiem ka Hima Khyrim wa tip kam ka Ϊngsad da thoh kam ka “Ingtrep”.

Ka seiñ da beiñ ko ya ini kamjooh ya kiwa thoh ki wym em pyrkhat yei sñiaw ki bru khamtam ki paidbah ka Hima Khyrim wa kheiñ kyntang ya kani ka Ϊngsad deiwa thoh wa kani toh ka yungtrep.

Hei yatoh wa ini u Director da kular u wow pyndam noh u saam ya kani ka kot.